Ayurvedada kürək ağrısına "Kati shoola" deyilir. Kati "bel" (omba), shoola isə "ağrı" mənasını verir. Klassik mənbələrdə Kati vata, Prishta shoola, Kati graha, Trika shoola və Trika graha kimi digər adlar və anlayışlar mövcuddur. Vata bədəndə bu cür ağrıların yaranmasına səbəb olan əsas doşadır (doşa — Ayurveda fəlsəfəsində elementlərin qarşılıqlı təsiri nəticəsində yaranan enerji) və kürək ağrısı Vataja nantmaja vyadhis adı altında təsnifatlaşdırır.

Ayurveda masajları, orqanizmdə yığılan toksinləri çıxaran və daha da yayılmasının qarşısını alan üsullarla bədəni və zehni cavanlaşdırmaq məqsədi daşıyır. Bu, əsasən masaj edilən şəxsin bədənində vata, pitta və ya kapha prakritinin üstünlük təşkil etdiyini təyin edən tridosha nəzəriyyəsindən istifadə etməklə həyata keçirilir. Sonra fərdi masaj təyin olunur. Ayurveda canlanmanız üçün ən yaxşı seçimdir.

Yağ vannasının bir hissəsi olan Abhyanqa müalicəvi yağın bədənə yayılması prosesidir. Bütün bədənə və ya yerli tətbiq edilə bilər. Ayurvedaya görə, bu, qədim alimlərin öyrətdiyi gündəlik rejim olan Dinaçaryanın bir hissəsidir. Ayurveda haqqında hər bir elmi işdə abhyanqanın bədən və zehnə təsiri tərənnüm edilir. Məsələn, alim Vaqbhata-nın Astanqahridaya adlı işində qeyd edilir ki, abhyanqa prosedurunun gündəlik icrası qocalma (jara), gərginlik/yorğunluq (srama), və vataja xəstəliklərini aradan qaldırır, görməni yaxşılaşdırır (Drişti prasadana), güc verir (puşti), uzunömürlülük bəxş edir (Ayu), yuxu rejimini yaxşılaşdırır (svapna), sağlam dəriyə sahib olmağınızı təmin edir (su tvak). Abhyanqa üçün istənilən yağ seçilə bilər. Balaşvaqandhadi, Eladi kera, Nalpamaradi kera, Mahanarayana taila tez-tez istifadə edilən yağlardır.

"Shiras" və ya baş bədənin ən vacib hissəsi hesab edilir. O, bütün duyğu orqanlarının və ən vacibi — beynin yerləşdiyi nöqtədir. Ayurveda insan bədəninə kökləri yuxarıda, budaqları isə aşağıda olan — tərsinə çevrilmiş ağac kimi baxır. Ağacı necə böyüdürük? Sulamaqla və qidalandırmaqla. Hətta su köklərə verildikdə belə ağac bütünlükdə qidalanır. Shirodhara-nın mahiyyəti bədəni və zehnin Ayurveda üsulu ilə yenilənməsindən ibarətdir.

5000 illik tarixə malik Ayurveda təbabəti hər zaman dərinin gözəlliyinin dəstəkçisi və təşviqatçısı olmuşdur. Bu, inklüzivliyə əsaslanan prinsiplərlə hər bir canlının individuallığına hörmətlə yanaşan qədim elm sahəsidir. Ayurvedaya görə bədənimiz pançamahabhutadan (beş element: torpaq, su, od, hava, fəza) ibarətdir və özündə birlikdə doşa adlanan üç bioenerjini (vata, pitta və kapha) ehtiva edir. Doşa səviyyələrində uyğunsuzluq insan səhhətində disbalans yarada və bədənin bir neçə sisteminə eyni vaxtda təsir göstərə bilər. Bu, həmçinin dəri üçün də keçərlidir. Başqa sözlə desək, dərimiz ümumi sağlamlığımızın və rifahımızın göstəricisidir.